Натаміўся за дзень вецер і прылёг у пералеску пад пышнымі лугавымі кустамі. Яму ж таксама трэба калісьці адпачываць.
Вецер у тутэйшых краях быў найбольшаю і найгалоўнейшаю асобаю. Усё мясцовае жыхарства: птушкі, кузуркі, матылькі - паважала яго, услаўляла, складала яму песні. Кожны подых ветру, кожнае яго слова зараз жа падхопліваецца і аб’ядноўваецца ў тысячы галасоў.
А было за што паважаць вецер. Ён ачышчаў паветра ад смугі, дыму і туманаў. Падмятаў сцежкі і дарожкі, восенню вымятаючы апалае лісце, зімой глыбока расчышчаючы снежную замець, улетку вырасце слуп пылу і пяску.
Час ад часу вецер наганяў хмары. Дождж патрэбен быў кожнаму стварэнню, але вецер мог не ўтрымацца і нарабіць шмат бяды. Вось чаму так паважала вецер насельніцтва лесу, навакольных палёў і лугоў. (114 слоў)
Марфемалагічны разбор слоў
Словаўтваральны разбор
1.Утрымацца – дзеяслоў, змяняецца па асобах, ліках, часах, ладах: утрымаю, утрымаем, утрымаюць і г.д.
2. Канчатак ў дадзеным слове: прадстаўлены нулявым морфам,яго нязменная форма.
3. Аснова словаформы утрыма-цца – Ø; аснова слова супадае з асновай словаформы утрыма-ць – Ø; вытворная (члянімая), простая, неперарыўная.
4.Каранѐвая марфема прадстаўлена морфам –трым- (аднакаранѐвыя словы: трымаць, затрымаць); корань свабодны.
5. Прэфіксальная марфема рэалізуецца ў морфе у-: па структуры невытворны; выконвае словаўтваральную функцыю; мае значэнне „завяршыць дзеянне‟; рэгулярны; нейтральны ў стылістычных адносінах.
1. Сучасная беларуская мова. Вучэбна-метадычны комплекс для студэнтаў спецыяльнасці 1-02 03 07-01 «Англійская мова. Беларуская мова і літаратура» / Склад. і агул. рэд. С.М. Лясовіч. – Наваполацк: УА «ПДУ», 2009. – с.
2. Марозава, Я. Н. Марфеміка. Тэарэтычныя асновы, заданні, узоры разбору, тэсты : вучэбна-метадычны комплекс па сучаснай беларус. мове / Я. Н. Марозава ; УА "ВДУ імя П. М. Машэрава". — Віцебск : Выд-ва УА "ВДУ імя П. М. Машэрава", 2004. — 50 с. — Бібліягр.: с. 48-49.
3. Сучасная беларуская літаратурная мова: вучэб. дапам. / Д. В. Дзятко [і інш.] ; пад рэд. Д. В. Дзятко. – 588 с.
